Подрачје бр. 1: Наставни планови и програми

Индикатори за квалитет

1. 1Реализација на наставните планови и програми
2. 2Квалитет на наставните планови и програми
3. 3Воннаставни активности

Теми

Анализа на резултати и податоци

1.1.Реализација на наставните планови и програми

Применувани наставни планови и програми

Наставните планови и програми одобрени од МОН се применуваат во рамките на воспитно-образовните активности на училиштето со мали отстапувања кои произлегуваат од објективни причини. Тоа се потврдува со увидот во дневниците за работа и педагошката евиденција која ја води секој наставник. Предметните наставници добиваат наставни планови и програми пред почетокот на новата учебна година.

Постојат одредени разлики во реализацијата на наставните планови и програми во рамките на дозволеното слободно толкување на наставните цели на одредени теми и содржини, од страна на наставниците. Тие разлики произлегуваат и од креативноста на наставниците, техничките можности и опременоста на училиштето, но и од претходната подготвеност на учениците.

Има донесено испитни програми од МОН за ученици кои завршиле средно образование со тригодишно образование и продолжуваат во средно образование со четиригодишно траење од ист или сроден наставен план,ученикот полага испити. Испитна програма за вертикална проодност од тригодишно во четиригодишно стручно образование, почна да се применува од учебната 2011/2012 година, во нашето училиште и се однесува за учениците кои по вонреден пат го дооформуваат бразованието.

Од учебната 2019/20 година добиени се нови Наставни планови и програми модуларно дизајнирани.Со новите наставни програми креирани се два образовни профили или квалификации Економски техничар и Бизнис здминистратор во секторот Економија,трговија и право.Промените се направени согласно барањата на пазарот на трудот.Како и сектор-Текстил,кожа и слични производи во рамки на кој се следниве профили или квалификации-Техничар за моделирање на обувки,Техничар за обувки,Техничар за изработка на облека,Техничар за моделирање на облека,Техничар за дизајн на облека.Во рамки на училиштето е отворена и пралелка Графички дизајн.

Информираност на родителите и учениците за наставните планови и програми

Наставните планови и програми им се достапни на сите посочени категории на следниот начин:

• Учениците со содржината на наставните планови и програми се запознаваат на почетокот на учебната година од страна на предметните наставници и класните раководители.
• Родителите се информираат на родителските средби од страна на класниот раководител, преку Совет на родители или преку учениците, а многу ретко, на сопствена иницијатива бараат информации од предметните наставници и стручната служба.Учениците и родителите се информираат за наставните планови и програми преку информатор-брошура изработена на ниво на училиштето. На почетокот на учебната година на првиот родителски сотанок, родителите добиваат листи со наставни предмети што ќе ги изучуваат учениците во таа година,фонд на часови и предметни наставници кои ке им предаваат, воедно и распоредот на часовите, исто така се укажува дека на интернет има веб-страна со наставни планови и програми.
• дополнителна и додатна настава;

Приспособување на наставните програми на децата со посебни образовни потреби

Во училиштето има ученици со посебни образовни потреби. Во стручната служба во училиштето има дефектолог кој работи со овие ученици. Сите предметни наставници кои предаваат во овие паралелки каде што има ученици со посебни образовни потреби имаат изработено индивидуален образовен план за работа. Училиштето има и тим за инклузија кој работи по годишната програма што ја изработува на почетокот на учебната година и е прилог во годишната програма на училиштето. Во училиштето има и училници приспосоени за ученици со посебни потреби, како што се приспособени и двата училишни влеза.

Избор на наставни предмети

Училиштето дава можност за избор на наставните предмети, бидејќи тоа е предвидено во наставните програми за поедини занимања кои се опфатени со реформите на средното стручно образование за четиригодишно образование, а кои се спроведуваат од страна на МОН. Според ова на учениците им се дава можност да изберат меѓу пет понудени предмети значајни за продолжување на нивното образование или професионално оспособување. Овие активности се предвидени и се реализираат на крајот на втора година од нивното школување, а се изучуваат во трета и четврта година.

За родителитена учениците од втора година на родителска средба по завршување на третиот класификационен период се изготвуваат листи со изборни предмати кои се предвидени во наставен план и програма и давање дополнителни информации за значењето при избор на предметите од страна на учениците.Од понудените пет предмети се бирaат два изборни предмети, а родителот со својот потпис дава согласнот за изборот.

Во врска со оваа тема направена е анкета во учебната 2018/19 година на ученици и родители од втора година. Во анкетата учествуваа 25 ученика и 25 родители.На истите им се понудени предметите кои ги учат во втора година.Од анализа на анкетата произлегува дека учениците не гледааат потреба од изучување на втор странски јазик. Останатите предмети се во избор на 50% од анкетираните ученици.

Планирање на активности за реализација на слободните часови/проектните активности на училиштето

На ниво на училиштето се планираат активности за реализација на слободните часови / проектните активности на училиштето. Учењето преку проекти е важен елемент во остварување на наставниот процес, бидејки овозможува стекнување на различни знаења и вештини преку користење на различни ресурси и различни начини на собирање, класифицирање и презентирање на податоците. На овој начин се овозможува учениците самостојно да дојдат до повеке сознанија за одредена области и тие се централна личност во процесот на учење. Стекнатите знаења на овој начин подолго се паметат.

Проектните активности се реализираат врз основа на Решение за примена на проектните активности во рамките на слободни часови во стручното образование со траење од четири години на учениците, како и Упатството и Програмата кои се добиени од Министерство за образование и наука и Бирото за развој на образованието.Во нашето училиште како слободни часови на училиштето се: Претприемништво и Бизнис, Претприемништво, Екологија и Математика за матуранти. Тие се реализираат неделно двапати или 66 часа годишно и почнуваат од 1 октомври.

Со новата модуларно дизајнирана програма од учебната 2019/20 воведени се часови за Содржини програмирани од училиштето за кои е изработена Наставна програма под назив Претприемништво во малите бизниси за сектор-Економија,трговија и право.

Реализација на проширени програми

Учениците со различни способности најпрво се детектираат, бидејќи тука има талентирани ученици со кои се работи за унапредување на нивните знаења и учество во вон-наставни активности, и ученици чии способности се помали и кон кои се применуваат посебни методи во работата на секој предметен наставник, но со кои редовно работи и стручната служба во училиштето. Според нивните способностии тие се вклучуваат во организирањето на некои вон-наставни активности, во рамките на нивните можности.

На ниво на училиштето има изработена и Програма за работа со деца со посебни образовни потреби, преку која успешно се врши идентификација на ученици со пречки во учење, развој и поведение, во соработка со класните раководители, предметните наставници и родителите. Училиштето има формирано и тим за инклузија во кој се вклучени дефектологот,социологот, психологот и педагогот на училиштето. Како дел од тимот се и класните раководители на овие ученици и сите предметни наставници.

Основна цел на оваа Програма е:

• идентификација на учениците
• прилагодување на наставата кон потребите на учениците
• следење на постигањата на учениците
• следење на учениците со емоционални проблеми
• подобрување на социјалниот и емоционалниот статус на учениците.                                                    

На ниво на училиштето имаизработено и „Програма за препознавање на надарени/ талентирани ученици“ со кои во воспитно-образовен процес ке се воспостави систем на насоки за препознавање на надарени/талентирни ученици со кој ке се овозможи нивното откривање и овозможување нивната надареност и способност да дојде до израз.

Надареност се дефинира како: невообичаено висок степен на општа интелектуална способност која изискува различни знаења кои според својата широчина и длабочина ги надминуваат знаењата кои можат да се добијат со образовните програми во редовните училишта кои го задоволуваат просечното ниво на искажаниот образовен потенцијал.

Надарени ученици се оние кои имаат способност за невообичаено напредно постигнување во некоја област, вклучувајки ја тука интелектуалната и креативната способност, музички, уметнички или спортски постигнувања и социјални вештини и вештини на лидер.

Во насоките се дадени и насоки за професорите како да се открие надарен ученик.

1.2.Квалитет на наставните планови и програми

Родова и етничка рамноправност и мултикултурна сензитивност во наставните програми и учебните помагала

Наставните планови и програми се унифицирани и рамноправноста во поглед на родавата и етничката разлика е загарантирана со Законот за средно образование.

Училиштето има изготвена Процедура за разгледување и прибирање на мислења од сите структури за наставните планови и програми, учебните помагала од аспект на родова и етничка рамноправност и мултикултурна сензитивност

Интегрирање на карактеристиките и потребите на локалната средина во наставните програми и наставните помагала

Наставните планови и програми успешно се прилагодуваат на карактеристиките на локалната средина, што се потврдува со долгогодишната успешна соработка со локалните претпријатија,во поглед на прифаќање наши ученици за изведување на дел од практичната настава (претпријатија од чевларска и текстилна индустрија, банки, ЈЗУ Здравствен дом, Дневен центар залица со интелектуална попреченост „Порака наша“, ППС,Црвен крст и Дом за стари лица, и.т.н.), а посебно се потенцира и значењето на таа соработка во поглед на вработување на наши ученици по завршување на школувањето.

Голем дел од предметните наставници посветуваат дел од своите наставни часови за посета на различни институции, организации и претпријатија, во склоп на кои се постигнуваат одредени цели од наставнте содржини.

Преку вон-наставните активности кои се организираат во училиштето се воспоставуа соработка и со институции кои делуваат воспитно врз младите и формирањето на нивната личност (сорабтка со: МВР преку популарни предавања и дискусии, вклучување на наши ученици во проекти; Црвениот крст-преку предавања,вклучување на наши ученици во проекти, крводарителствоИсто така мора да се спомене и соработката со Локална самоуправа, ОБСЕ, СВР-Куманово.

Интегрирање на општите (меѓупредметните) цели на образованието

Училиштето располага со технички можности и наставници кои заради подобрување на квалитетот на наставните планови и програми имаат интегративен пристап во реализација на некои свои наставни содржини. Овој пристап особено е присутен во реализација на наставата по стручните предмети, практичната настава и информатика. Најголема примена интегративниот пристап кон содржините се гледа при изработка на проектни задачи и подготвување на ученици за натпревари, презентации, организирање на слбодни часови и сл.Меѓупредметни цели: развивање на самодовербата, иницијативноста, одговорноста, почитувањето на различноста и основните човекови права и јакнење на свеста на учениците за припадност на Република Македонија како мултикултурно општество

Меѓупредметните цели се вградени во самите наставни програми во општообразовните предмети како воспитни цели, но исто така секој наставник индивидуално ги интегрира при реализацијата на наставните содржини. На класните часови како дел од програмата за животни вештини се реалзиираат теми со т.н. меѓупредметни цели (развивање на самодоверба, иницијативност, одговорност, почитуавње на различноста, основните човекови права, јакнење на свеста на учениците за припадност на РМ како мултикултурно општество).

Во своите тематски планирања наставниците ги интегрираат и реализираат меѓупредметните цели (развивањенасамодовербата, иницијативноста, одговорноста, почитувањето на различноста и основните човекови права и јакнење на свеста на учениците за припадност на РМ како мултикултурно општетсво). Класните раководители на класните часови релаизираат работилници (Животни вештини) во кои се интегрирани воспитно-образовни и меѓупредметни цели.   Програмата за Животни вештини опфаќа предавања за односите меѓу половите и нивните сексуални врски, репродуктивното здравје, болестите ХИВ/СИДА, зависност од дроги и сл. Училиштето реализира предавања за човековите права, граѓанско образование или за други теми поврзани со општествената проблематика преку наставните предмети конституционо уредување, граѓанско образование, право и социологија. Информираноста на родителите за наставните планови и програми од страна на училиштето е инцидентно, без пропишана процедура и без барање на повратна информација. Учениците се запознаваат со целите на наставните планови и програми преку наставниците. Постои непишана процедура класните раководители на првиот родителски состанок да ги запознаат родителите со наставниот план, а наставниците на почетокот на учебната година генерално и на секој час во текот на наставната година детално ги запознаваат учениците со содржините и целите од наставните програми. Училиштето по укажување на инспекторатот секоја година ги објавува наставните планови на огласната табла во училиштето и тоа е еден од начините/процедурите на информирање на родителите и учениците.

Училиштето нема направено посебни истражувања и документација колку учениците и родителите се задоволни од наставните планови и програми, освен преку анкетните листови на тимот за изработка на самоевалуација за наставното подрачје наставни планови и програми во кои има и прашања кои се однесуваат на оваа тема, но освен за самоевалуација, тие не се искористени за конкретна анализа на потребите на учениците и родителите.

Училиштето е носител на Проектот „Безбедни училишта“ кој активно се спроведува на ниво на училиштето во соработка со МВР , преку заемна соработка по повод мултиетничка култура меѓу учениците на различни етникуми па во тој контекс спроведени се активности за прослава на верски прзници, одржани приредби за ненасилство со учество на сите средни училишта, формиран Тим за безбедност, изработен е спот, направена анкета со ученици, родители и наставници за насилство.

Превенција на ненасилство во училиштето-направено истражување преку Прашалник за идентификација на насилство во училиште, а потоа пристапено на презентација на филм за насилство во училиште за ученици, Совет на родители и наставници.

Изготвена Програма за работа со ученици од трета и четврта година за професионална ориентација-донесување на одлука во врска со идно занимање и продолжување на образованието и запознавање со факултети за специфични способности и информација за вебстрани на факултети, како и бенефит од завршување на факултет ,носител на активноста психологот во училиштето.

Реализирано советување за родители во 2017/18год. За ученици кои имаат три или повеке слаби или десет и повеќе изостаноци неоправдани и несоодветно однесување од страна на психологот – Споменка Трајчева преку психосоцијална помош, индивидуална, советодавна работа.

Методи за успешно учење, предавање со сите ученици во прва година.

Спроведено истражување преку прашалник за испитување на мислење-ставови на ученици за ХИВ/СИДА и дрога.

Советување за ХИВ/СИДА со претставници на 60 ученици од страна на лекар Епидемиолог од ХЕС-Куманово.

Стручната служба постојано организира воспитно-едукативни предавања со различни теми, со кои е опфатен поголем дел од учениците, редовно организира анкети на различни актуелни теми и секојдневно работи со учениците во разрешување на конфликтни ситуации, во прифаќање на разлики меѓу луѓето, разлики меѓу половите и сл.

Исто така, дел од посочените теми се обработуваат во рамките на вон-наставни активности и проектни активност во рамките на слободни часови на училиштето .

Најубав пример за тоа како се применуваат стекнатите искуства од различните пристапи во обработката на овие теми, е работата на Младинската организација во училиштето, која може да биде позитивен пример за тоа како се раководи, соработува, договара, како се развива самодовербата и како се разрешуваат конфликти и во која се вклучени ученици од сите години, сите занимања, без разлика на полот и етничката припадност.

Училиштето реализира темите од областа на човековите права, граѓанско образование и други теми поврзани со општествената проблематика преку наставниот предмет - Граѓанско образование, Клуб за промовирање а недискриминација, проектни активности, како и на класните часови.

Влијание на наставниците, родителите и социјалните партнери врз наставните планови и програми

Училиштето дава можност за покренување иницијатива за изменување и дополнување на наставните планови и програми, иновирање на постојните и воведување на нови образовни профили врз основа на искажаните потреби на локалата средина и потребите на пазарот на трудот до ресорните институции.

Секоја идеја за модернизирање на наставата и наставните програми наидува на подршка од училиштето, но и на конкретна помош во остварување на тие идеи преку посебен тим кој наоѓа начини како сето тоа да се реализира. Се прават напори во училиштето да се воведуваат нови, современи занимања кои би конкурирале на пазарот на трудот и кои би привлекле нови категории на ученици, на што работи тимот кој е задолжен за оваа проблематика и кој е составен од наставници од стручното наставно подрачје и раководните структури на училиштето.

Во училиштето е дискутирано за поднесување иницијативи за изменување на наставниот план (на пример, воведување нови профили во текстилно-кожарската струка – конфекциски компјутерски оператор и произведувач на обувки – трет степен). Во историјата на училиштето постојат примери за поднесување иницијативи за промена на наставните планови и програми кои резултирале со измена на истите, но сега недостатсуваат поенергични иницијативи и запознавање на учениците и родителите со можноста и тие да се вклучат во иницијативи за изменување на наставните планови и програми.

Со новите модуларно дизајнирани програми воведена е феријална пракса која се изведува надвор од училиштето во фирми партнери за време на летниот распуст.

1.3.Воннаставни активности

Обем и разновидност на планираните и реализираните воннаставни активности

Во училиштето вон-наставни активности од повеќе области, во рамките на можностите и заинтересираноста на учениците се реализираат на следните начини:

v Дополнителна настава е наменета за ученици кои имаат слаби предзнаења по одредени предмети или кои имаат потешкотии во совладување на наставните содржини, за таа цел секој предметен наставник има изготвеноПрограма за дополнителна наставаидоставено во ППС.

v Додатна настава е наменета за напредни ученици кои покажуваат одреден интерес по некој предмет. Истата се одвива во секции по одделни предмети и тоа по веке однапред изготвена Програма и план за секоја секција од страна на предметните професори во соработка со стручната служба во училиштето кои имаат за цел откривање на надарени и талентирани ученици. Наставата ја организираат предметните наставници од оние предмети за кои има пројавено интерес и целта ке биде да ги мотивира и поттикнува учениците, да ги развива нивните способности и да ги подготвува за различни натпревари од општински, регионален или републички карактер,

v Предвидени се слободни активности во следниве секции кои постојат во училиштето:

-драмска секција и јавно говорење

-тим за унапредување на физичко, емоционално и ментално здравје и разрешување проблеми

-мулти-култи тим

-природноматематичка секција

-секција за странски јазици

-безбедни училишта

-еколошка секција

-секција по спорт и спортски активности

-младинска секција

-кариерен центар

-ученичка заедница

Нашите ученици се вклучени во натпреварите што се организираат и тоа:

• учество на спортски натпревари;
• учество на републички и меѓународни натпревари по стручни и општо-образовни предмети;
• учество на натпревари кои ги организира Црвениот крст;
• подготвување и учество на различни манифестации (Образовно рандеву,МАССУМ,ТРЕШ-ФЕШН, презентација на училиштето во други училишта, . . .);
• учество во Лидер на струка
• учество во републички проекти за училиштата (USAID, SEA, . . .);
• посета на саеми во државата и надвор од неа;
• соработка со други училишта од Републиката и надвор од неа;
• изработка на наставни помагала во работилницата.
• учество на ,,Маскенбал,, организирано од општина Куманово;.и др.
• комуникација и запознавање со луѓе од различни средини и култури;
• развивање на чувството за тимска работа,
• развивање на индивидуалните способности и знаења на учениците;
• развивање на личноста на ученикот и неговиот однос кон средината;
• соработка со сите средношколски центри во градот
• запознавање со нови држави;
• јакнење на меѓуетничката толеранција и соработка;
• стекнување на позитивен однос кон училиштето и со учениците;
• потврдување на квалитетите на ученикот
• потикнување на квалитетни ученици за запишување во училиштето
• Училиштето во целост ги реализира наставните планови и програми донесени од страна на Министерството за образование во соработка со Бирото за развој наобразование и Центарот за стручно образование и обука
• Наставните планови и програми го помагаат личниот развој на ученикот и не прават дискриминација по ниту еден основ.
• Наставните планови и програми се достапни на родителите и учениците кои се заинтересирани.
• Сите наставници изготвуваат глобални годишни и тематски планирања за реализација на наставата
• Изборот на изборните предмети во трета и четврта година е по желба на учениците
• Голем број на наставници за реализација на наставната програма користат ИКТ во наставата
• Успешна организација и реализација на вон-наставни активности и соработка со општествени организации;
• Вклученост на сите структури во афирмација на училиштето
• Некои наставни планови и програми се застарени, несоодветни на современите барања, или премногу обемни,за сите години освен за прва година.                                                                                                                                                    
• Нема прилагодени наставни програми задеца со посебни образовни потреби вклучени во редовната настава.
• Училиштето не е во можност секогаш да обезбеди услови завклучување на учениците од семејства со низок социо-економскистатус во воннаставните активности.
• Нема финанскиска поддршка за средства како училиштен весник, радио и сл. кои ќе служат за афирмирање на воннаставните активности и на продуктите од нив.
• Недоволно учество на родителите во иницијативи за измена и дополнување на наставните планови   и програми.
• Немање на учебни помагала соодветни на новите дизајнирано модулирани програми.

Опфатеност на учениците со воннаставните активности

Поголем број од учениците во училиштето се опфтени во разни вон-наствни активности, сопствен избор и интерес на самите ученици;

Вклученост на учениците во изборот и планирањето на работата во воннаставните активности

Учениците се вклучуваат во воннаставните активности по сопствен избор, нема изготвено посебна стратегија на ниво на училиштето.

Афирмирање на учениците и на училиштето преку воннаставните активност

Силни страни

Слаби страни

Дополнителни дејствија: (приоритетни области кои може да бидат содржани во Планот за развој на училиштето)

-        Да се преземат активности и иницијатива за промена на наставните планови и програми, во смисла на нивно осовременување со можност да се земаат во предвид образовните потреби на учениците.

Во евалуацијата на ова подрачје треба да одговорите на што е можно поголем број од главните прашања. Можете да додадете и одговори на други прашања кои сметате дека се важни за вашето училиште а не се опфатени во рамката за самоевалуација.

Треба да направите обид да ги вклучите колку што е можно сите клучни фактори во вашето училиште и во локалната заедница и каде потребно да внимавате на родовите односи кои може да влијаат на квалитетот на учење и настава во вашето училиште. Не се потпирајте само на пишани документи.

Обезбедете да податоците собрани во оваа област исто така вклучуваат колку што е можно и пишани коментари, набљудувања и визуелни докази.

Оддели во рамките на подрачјето:

2.1 Постигања на учениците

2.2 Задржување/осипување на учениците

2.3 Повторување на учениците

Собирање на податоци (Кои податоци се собрани: Кои методи се користени).

Обработка на документи        

Наведете ги сите документи кои се прегледани.

Кои информации се собрани?

2.1.

* Записници од наставнички совети за секој квалификационе н период

*изготвен распоред за дополнителна и додатна настава за секој предметен наставник поодделно

* увид во записниците од педагошко - психолошката служба од разговорите водени со ученици, родители, класни раководители и предметни наставници

* извештаи од спроведени групни и индивидуални советувања на родители

       Целокупната работа на училиштето како и крајната цел се високи постигнувања на учениците, кои се темелат пред се на индивидуализацијата на наставата, при што повратната информација од наставникот треба да биде мотивирачка, педагошката функција да го поткрепува животниот оптимизам, да го подигнува нивото на очекувања и да насочува кон поголема активност што води кон позитивен развој на личноста. Исто така креирањето на училишна политика, вреднувањето и оценувањето во наставниот процес, пред се се насочени кон подобрување на постигнувањата на учениците во целина преку: поттикнивање и пофалба, со понатамошни сугестии совети или навестувања за тоа како може ученикот да биде поуспешен, со дијагноза (како да се отстранат одредени недостатоци) и со индивидуално поставување на цели, при што се земаат предвид способностите и вештините на секој ученик. За подобрување на постигнувањата на учениците во голема мерка влијаат следните фактори: модернизација на дидактичко-техничките и педагошките основи во училиштето; мултимедијален пристап во реализирањето на наставата, кадровска оспособеност и екипираност за тимска работа; усвојување на менторски принцип на работа; флексибилност во времето на реализација на воннаставните активности; истражувачки пристап во решавање на задачите и проблемите.

       Навременото и континуирано оценување на учениците и активната соработка со родителите и нивното навремено информирање, се форми за подобрување на постигнувањата на учениците. Евидентираните податоци за постигнувањата и успехот на учениците, во континуитет им се соопштуваат на учениците и на родителите, за секој класификационен период или по потреба. Родителите врз основа на потребите и можностите преземаат активности за подобрување на напредокот на своите деца. Постојаната и севкупна евиденција за успехот на учениците, ја водат раководителите на паралелки, а на советите на паралелки изложуваат сознанија и статистички податоци за успехот на учениците од својата паралека, истакнуваат проблеми во врска со постигнувањата на некои ученици доколку постојат или истакнуваат ученици кои побрзо напредуваат и постигнуваат надпросечни резултати.

Во контекст на тоа, во континуитет, се следи напредокот на учениците, а подлабоки анализи се прават на класификационите периоди, при што се донесуваат предлог мерки на секој наставнички совет за подобрување на постигнувањата на учениците, кои опфаќаат:

- .организирање и реализирање на дополнителна настава на ученици со послаб успех по одреден наставен предмет

- За учениците кои имаат послаби резултати во учењето или имаат потешкотии во совладувањето на задолжителните предмети : -се организира дополнителна настава во текот на учебната година; -продолжителна настава доколку учениците на крајот од учебната година имаат слаби оценки; Предметните наставници, за реализирање на дополнителната настава изготвуваат редуцирана наставна програма, адаптирана на потребите на учениците заради кои се реализира наставата. Oрганизирање и реализирање подготвителна-консултативна настава, за учениците кои се упатуваат на поправен испит и испит на годината.

- .Организирање и реализирање на додатна настава за талентирани ученици Додатната настава се организира и реализира за учениците кои имаат потреба од проширување и продлабочување на знаењата по поедини наставни предмети, дисциплини и области.

Во неа се вклучени ученици кои во редовната настава постигнуваат надпросечни резултати и покажуваат надареност и талентираност за одделни наставни предмети и подрачја. Во додатната настава доминира истражувачкиот пристап во решавање на задачите и проблемите, работа во мали групи од теоретска и практична природа, самостојна работа на учениците и експериментирање, подготовки за натпревари на општинско, државно и меѓународно ниво. Во текот на годината се реализира и додатна настава со учениците од четврта година со цел успешно да ги совладаат содржините за интерните и екстерните испити од матурата како и во подготовката на проектните задачи.

- Спроведување на Практична настава каде учениците имаат можност да ги применат и спроведат стекнатите знаења.

- Соработка со педагошко-психолошката служба за подигање на квалитетот на наставата, зголемување на мотивираноста на учениците за постигнување повисоки резултати, изноаѓање алтернативни методи за проверка на знаењата на учениците и сл.

- Иизвестување на родителите за успехот на секој ученик поединечно за секој класификационен период или по потреба.

- Договарање на термини за одговарање и поправање на оцените на оние ученици кои имаат сериозни потешкотии со обемноста на материјалот или со тежината на истиот.

- Спроведување на групни и индивидуални советувања на родители и ученици кои имаат послаб училишен успех.

Во нашето училиште се спроведува систематско собирање, анализирање и вреднување на постигнувањата на учениците по наставни предмети, со цел поуспешна, посоодветна и поквалитетна работа на наставниот кадар и учениците.

Како резултат на тие анализи, се доаѓа до сознанија колку учениците им се доближиле на поставените цели или ги постигнале истите според определени критериуми. Врз основа на добиените резултати и направените анализи се донесуваат препораки и заклучоци за идни мерки и активности.

Од направените анализи на крајот на учебните 2018/19 и 2019/20 години, добиени се следните резултати:

СТАТИСТИЧКИ ИЗВЕШТАЈ ЗА ПОСТИГНАТИОТ УСПЕХ НА КРАЈОТ НА УЧЕБНАТА 2019/20 ГОД

1. 1.Бројна состојба на учениците:

Табеларен преглед за запишани ученици, на македонски наставен јазик , 2018/2019по струки:

Табеларен преглед за запишани ученици, на македонски наставен јазик 2019/2020-– по струки

1. 2.Успех на учениците:

1. 3.Квалитет на оценките: 2019/2020

СПОРЕДБЕНИ АНАЛИЗИ ПО ОДНОС НА УСПЕХОТ И РЕДОВНОСТА НА УЧЕНИЦИТЕ

Успех по години:

Редовност на учениците

Изречени   Педагошки мерки - ПИСМЕНИ ОПОМЕНИ ОД

Поведение

Заклучоци од статистичките извештаи за перидот 2018-2020 год.:

увид во записниците од педагошко - психолошката служба од разговорите водени со ученици, родители, класни раководители и предметни наставници

ЗАКЛУЧОЦИ од статистичките извештаи за перидот 2018-2020 год.:

1. Во учебната 2018/19 во прва година запишани се вкупно 125 ученика, а во учебната 2019/20 година во прва година запишани се вкупно 136 ученика . Toa покажува дека бројот на запишани ученици се благо се зголемува но постојат голем број слободни места.
2. Во учебната 2018/19 од прва до четврта година запишани се вкупно 542 ученика ,а на крајот на учебната година останале 537 ученика. А во учебната   2019/20 година запишани се вкупно 535 ученика ,а на крајот на учебната година останале 529 ученика. Генерално земено бројот на учениците се намалува.
3. Постои опсипувсње на учениците, односно оваа година дошле 6 ученика а си заминале 12 ученика, а минатата година дошле 7 , а си заминале 12 ученика .
4. Според националност во Нашето училиште освен македонци, се запишани и срби, роми и други и сите уживаат еднакви слободи и права во училиштето.
5. Средниот успех на ниво на училиште е зголемен, односно 2018/19 е 3,56, а   во учебната 2019/20 3,72 , што дава основа да заклучиме дека трендот на постигнувања во училиштето е стабилен.

· Квалитетот на оценките (процентуално се дадени вкупно одлични, мн. добри, добри, доволни и со слаби.

• Успехот на учениците по години (I, II, III, IV) во кој се споредува со претходната година,

Извештај за државна и училишна матура

    2.1.2 ИЗВЕШТАЈ ОД СПРОВЕДЕНА ДРЖАВНА МАТУРА И ЗАВРШЕН ИСПИТ ВО УЧЕБНАТА 2018/19 ГОДИНА

Во учебната 2018/2019 година вкупно државна матура имаат пријавено 130 ученика од кои 127 се редовни и 3 се вонредни ученици.Завршен испит имаат пријавено 20 ученика од кои 7 се редовни и 13 се вонредни.

Во јунски испитен рок со диплома за државна матура се стекнаа 124 ученика кои се редовни ученици. Со диплома за завршен испит се стекнаа 17 ученика, од кои 7 редовни и 10 вонредни ученика.

Во августовски испитен рок, државна матура имаат пријавено 4 ученици и тоа 3 редовни и 1 вонреден ученик. Завршен испит имаат пријавено 5 ученика и тоа вонредни

.

Број на пријавени кандидати по предмети - државна матура ( редовни и вонредни )

Број на пријавени кандидати по предмети - завршен испит ( редовни и вонредни )

Број на пријавени предмети како интерен дел -     од државна матура и завршен испит

ИЗВЕШТАЈ ЗА ДРЖАВНА И УЧИЛИШНА МАТУРА ВО УЧЕБНАТА 2019/20 ГОДИНА

Учебната 2019 /2020 година имаше непредвиден прекин поради појавата на вирус COVID 19 и наставата од 10 март 2020 година продолжи да се одвива преку системот на далечинско учење или (online nastava)

.  Вирусот го оневозможи и полагањето на матурата .

     Учениците ги одбранија проектните задачи. Оценките од проектната не се запишани во дипломата како што беше случај претходните години и на учениците им се овозможи непречено запишување на факултет.

Евиденција од

педагошко-психолошка слушба

Извештај од

Дефектолог   Ленче Јовановска

Психолог Споменка Трајчева

Годишна програма за работа на училиштето

Годишна програма за работа на училиштето

Годишна програма за работа на училиштето

Годишен извештај за учебна 2019-2020 година

Годишна програма за работа на училиштето

Годишна програма за работа на училиштето

Годишен извештај

1. .

2.1.3. Како се следи напредокот и постигнувањата на учениците кои имаат потешкотии во учењето и постигањата на учениците со посебни   образовни потреби?

Колкав е бројот на запишани ученици со посебни образовни потреби?

Во учебната 2018/2019 година ,од вкупниот број на ученици 847 во СОУ„Перо Наков“- Куманово (539ученици во паралелките на Македонски наставен јазик и 308 во паралелките на Албански наставен јазик), се идентификуваат следниве ученици со потешкотии во учењето:

• Според горенаведеното, во училиштето имаме вкупно 6 ученици кои се класифицирани како ученици со посебни образовни потреби (во понатамошен текст ПОП), за кои родителите/ старателите имаат доставено наод и мислењето, издадено од соодветна комисија за категоризација на лица со психофизичка попреченост, и тоа: 1 ученик со дијагноза: најтежок степен на оштетување на слухот(глувост), 1 ученик со дијагноза : двострана тешка редукација на слухот над 80 db.Користи два слушни амплификатори, се развива стигматичен говор.1 ученик со дијагноза: лесна интелектуална попреченост,)1 ученик со дијагноза : аутизам (аутистичен спрктар на нарушувања ACH) и граничен случај (интелектуално ниво), 1 ученик со дијагноза: лесна интелектуална попреченост, 1 ученик со дијагноза : Даунов синдром и умерена интелектуална попреченост, четврта година;
• Според горенаведеното, во училиштето имаме вкупно 5 ученици кои се класифицирани како ученици со посебни образовни потреби (во понатамошен текст ПОП), за кои родителите/ старателите имаат доставено наод и мислењето, издадено од соодветна комисија за категоризација на лица со психофизичка попреченост, и тоа: 1 ученик со дијагноза: потешка телесна инвалидност1 ученик со дијагноза: лесна попреченост во психичкиот развој; церебрална парализа; комбинирани пречки во развојот, 1 ученик со дијагноза: најтежок степен на оштетување на слухот(глувост), 1 ученик со дијагноза : двострана тешка редукација на слухот над 80 db.Користи два слушни амплификатори, се развива стигматичен говор.Има нормални, високо просечни интелектуални способности. 1 ученик со дијагноза : аутизам (аутистичен спрктар на нарушувања ACH) и граничен случај (интелектуално ниво)

Во учебната 2019/2020 година Од вкупниот број на ученици 820 во СОУ„Перо Наков“- Куманово (550ученици во паралелките на македонски наставен јазик и 270 во паралелките на албански наставен јазик), во паралелките на македонски наставен јазик, се идентификуваат следниве ученици со потешкотии во учењето:

Училиштето има развиен систем за идентификација и поддршка на учениците кои имаат наод и мислење од страна на комисија за категоризација при Завод за ментално здравје „Младост“ – Скопје и Завод за рехабилитација на слух, говор и глас –Скопје, како и за учениците кои можат да се идентификуваат како ученици со потешкотии во учењето на кои им е потребна поголема помош и поддршка, не само од предметните наставници во училиштето и стручната служба, туку и од други институции од локалната заедница со кои училиштето остварува добра соработка и координација.

Горенаведените ученици со ПОП следат редовна настава на мајчин јазик, но редовната програма е адаптирана во однос на нивните способности, потреби и психофизички капацитети.

Со учениците со наод и мислење, се применуваат краткорочни, среднорочни и долгорочни цели во рамки на индивидуалниот образовен план (во понатамошниот текст – ИОП), преку кои се реализираат општите цели на секој наставен предмет, одделно. ИОП-от е изработен пред почеток на учебната година, со извесни промени во текот на првото тримесечје. Во изработката учествуваа сите предметни наставници, инклузивниот тим, психолошко-педагошко-дефектолошката служба и родителите на учениците со ПОП.

Секој план е потпишан и одобрен од претходноспоменатите стручни лица (во фазата пред да почне да се применува), а потоа разгледан и одобрен од родителите. За секој ИОП се врши евалуација од истите на лица, најмалку два пати годишно, по завршување на првото полугодие и финална евалуација на крај на учебната година. Паралелно, со секој ученик се применува индивидуален третман со дефектолозите, преку кој се надополнуваат недостатоците од фронталната настава и индивидуалниот пристап за време на часовите.

Овие ученици максимално се интегрирани во сите активности, наставни и воннаставни, во училиштето, како на пример: во активностите за одбележување на патрониот празник на училиштето (со рецитали), новогодишен базар, изработки за Нова година, по повод 8-ми март итн. Дефектолозите и инклузивниот тим имаат солидна соработка и со родителите кои учествуваат во полесно совладување на наставните содржини на учениците и редовно даваат свои предлози и идеи за поголема функционалност на индивидуалната програма.

• Во училиштето се примени и ученици за кои особено е видлива потребата од стручно лице-дефектолог и психолог, но за нив родителите/старателите немаат поднесено наод и мислење, или било каква медицинска белешка врз чија основа би можеле да примениме ИОП.

Ученици на кои им е потребна посебна подршка:

Гледано нумерички, 2018/2019 година во паралелките на Македонски наставен јазик имаме вкупно 15 ученици за кои е потребна посебна поддршка, освен од стручните лица во училиштето, туку и од ЦСР, Општа болница, родителите.

Гледано нумерички, 2029/2020 година во паралелките на Македонски наставен јазик имаме вкупно 16 ученици за кои е потребна посебна поддршка, освен од стручните лица во училиштето, туку и од ЦСР, Општа болница, родителите

Дел од горенаведените ученици покрај работата со наставниците и родителите, 2-3 пати неделно доаѓаат на индивидуална работа со дефектолозите или на советување во стручната служба, каде што се посветува посебно внимание за нивните потреби, покрај образовната поддршка, се става посебен фокус на когнитивната стимулација, поттикнување на развој на целокупната психомоторика, внимание, концентрација, како и ориентација во време и објективен простор.

         Ваквиот начин на работа, соработката помеѓу стручната служба, наставниците и родителите, како и целата поддршка која децата со ПОП ја добиваат од училиштето, допринесува до намалување или надминување на пречките на кои наидуваат во образовниот процес – преку посебни методи и начини на работа, учениците полесно ги совладуваат наставните цели, со што кај нив се зголемува нивната мотивација за учење, самодовербата и развој на селф-концептот.  

Во поглед на социјализацијата се организраат еднодневни излети и екскурзии во организација на самото училиште, како и земањена учество во бројни училишни активности, претстави и манифестации, учениците со потешкотии одлично се вклопуват во училишната средина, делумно се прифатени од одтанатите ученици, а со тоа се спречува појава на стигматизација и етикетирање на учениците кои отстапуваат од невротипичната популација, а се зголемуваат и развиваат нивните социјални вештини.

Вистинскиот проблем со кој се соочуваат речиси сите училишта, е документацијата за децата со ПОП издадена од стручните установи, кои имаат за   цел проценка на состојбите и можностите на учениците, а воедно и полесно планитање на начинот и методите на работа со овие ученици за време на наставата. И покрај придобивките од документацијата, сепак, родителите не секогаш ја приложуваат целосната документација од мед.специјалисти, најверојатно плашејќи се од социјална стигматизација на нивното дете.

            Според тоа, ние од почетокот на учебната 2018/2019 идентификувавме32 ученици со различни потешкотии во учењето (македонски и албански паралелки), за 6 од нив имаме наод и мислење а само за 4   е изготвен ИОП, за останатите 2 ученика родителите не дадода согласнот,   додека за останатите 26 (и од македонски, и од албански паралелки), немаме никаков документ, одвен дефектолошко-психолошка процена за интерна употреба.

          .

Според тоа, во првото полугодие од учебната   2019-2020 идентификувавме 21 ученици со различни потешкотии во учењето во паралелките на македонски наставен јазик, за 5 од нив имаме наод и мислење, а само за 3 е изготвен ИОП од старна на насатвници, за останатите 2 ученика родителите не дадода согласнот, додека за останатите 16 ученици од македонски наставен јазик има дефектолошко-психолошка процена за интерна употреба и записници од разговори со овие ученици, наставници и родители.

2.1.4Кои се постигнувањата на учениците од нашето училиште во воннаставните активности?

Извештај од спроведени активности

(преглед на учество и освоени награди на натпревари за 2019/2020)

Учество на повеќе натпревари и тоа на државно и локално ниво, меѓу кои КОНКУРС ЗА МЛАДИ ПОЕТИ на слободна тема од Агенцијата за млади и спорт- Конкурс за најдобар есеј на тема Зошто сакам да останам во Македонија од Граѓанска иницијатива Сакам да останам,- Литературен конкурс на теми: Мигот на моето постоење; Бојата на љубовта, од Друштво на писателДржавен натпревар - Поетски конкурс на 52. Детски Рацинови средби на тема Белите мугри во светлината на денот.Учесник и наградена:Ивона Каранфиловска и,- Литературен натпревар Библиотека „Тане Георгиевски“ - Куманово по повод „Месецот на книгата" на 21.10.2019г, на тема: Книгата ни носи непознати пријатели - Литературен конкурс по повод патронатот на СОУ „Перо Наков“, на 12.11.2019 г, -.Конкурс за литературни творби на тема Гулаб со гранче маслина, организиран од Локален совет за превенција на Општина Куманово по повод Меѓународниот ден на жената – 8 Март,- Онлајн државен натпревар Образовно рандеву во категорија Јавно говорење и Најдобра поетска творба, организиран од МАССУМ, април, 2020. Учество на литературен конкурс за средношколски есеи, организиран од Славјанскиот универзитет во Свети Николе, април, 2020. Учество на Државниот рецитаторски натпревар организиран од Сојузот на друштвата   за македонски јазик и литература, и   учество на други натпревари -  како Ментор   се јавува наставник Елена Георгиевска

Ученичката Ивона Каранфиловска освои двапати ПРВО МЕСТО за најдобра прозна творба.ВТОРОМЕСТО за најдобра прозна творба. Ученичката Сара Манасиевска од IV 4, наградена за Јавен говор со ТРЕТО МЕСТО – Ментор наставник Елена Георгиевска Учество на МАССУМ - најдобра поетска творба. Учесник Анастасија Стојановска

Други активности : Посета на театарска претстава „Макбет“ во Театар Куманово,- Подготовка и учество на општински литературен натпревар распишан по повод Месецот на книгата од Библиотеката „ Тане Георгиевски “ од Куманово,- Посета на Меѓународниот саем на книгата во Белград,- Учество на „ Рацинови средби“ ,- Учество во Јавна дискусија на тема „Воведување на медиумска писменост во образованието“ во организација на Македонскиот институт за медиуми и Влада на РСМ. Активноста се одржа во Библиотека „ Св. Климент Охридски“ Скопје. Учествуваа ученици од втора и четврта година со наставниците: Фросина Милошевски и Елена Георгиевска.

Наставникот Оливера Н, Китановска како ментор-.Учество на конкурс за најдобра поетска творба на тема: Боите на љубовта, организиран од   „Друштвото на писателите“ од Кумано и освоено прво место од страна на ученичката Тамара Даневска од I-2. Учество на конкурс за најдобра поетска творба,организиран од библиотека„Тане Георгиевки“ и освоено второ место од страна на ученичката Тијана Пуриќ од I-2. 3.Учество на конкурс за најдобра прозна творба, организиран за Патронен празник на нашето училиште и освоено трето место од страна на ученичката Стефани Денковска од I-9. Учество на конкурс за најдобра поетска творба,организиран од МВР Куманово и освоена награда од страна на ученикот Антонио Благоевски од I-9

.

2. Англиски јазик

Учество на училишен натпревар по англиски јазик и освоено прво место на ученичката Марта Манасиевска од II 7, Ментор во драмска секција на училиштето,– учество на училишен натпревар по англиски јазик по повод Патронен празник на училиштето на којшто ученичката Јована Петковска од II 3 освои второ место, а ученичката Јована Павловска од II 4 освои трето место.,- Учество на училишен натпревар за учество на општински натпревар, каде што ученичките Јована Павловска и Дајана Ивановиќ се пласираа за општински натпревар. Меѓутоа, поради состојбата со пандемијата, сите општински и државни натпревари беа откажани. - учество на меѓународен натпревар организиран од страна на издавачка куќа Oxford University Press – Англија, за изработка на постер со порака. На натпреварот учествуваа 8 ученика од II 3, II 4 , II 1 паралелка. Како ментори се јавуваа наставници. Александра Георгиевска и Бојана Ивановска -Димитриевска

3. Руски јазик

Учество ма XIII Меѓународен фестивал за детско литературно творештво, Санкт-Петербург, Руска Федерација. Учесници : Димковска Катерина IV6 и Стојименовска Милена IV6. Учество на Годишен Меѓународен фестивал на рускиот јазик во Москва. Учесници: Петрушевска Магдалена III5 и Величковска Клаудија III7. Како ментор се јавува наставникот Биљана Коцевска.

4. Извештај од актив од текстилно-кожарска струка ( Актив текстил кожа и слични производи)

Во ноември месец 2019 година е реализирана посета на „Босут“- фабрика за текстил Наставници Розана Деспотовиќ и Марина Радевска беа во посета со ученици од трета година –конфекциски техничар и техничар за дизајн на облека со цел учениците да се запознаат со современо производство на комјутеризирани современи машини. Учениците од оваа струка беа ангажирани во изработка на групна маска за Струмички карневал која што требаше да се одржи на 14.03.2020 заедно со останатите три средни училишта од градот.

Наставникот по стручни предмети од струката -Текстил,кожа и слични производи, Анета Грујиќ - На 13.11.2019 година со учениците од I-2 и I-3 ја посетија Компанијата Де Марко од Куманово, која се занимава со производство на обувки

По повод "Месецот на книгата во просториите на библиотеката Тане Георгиевски Куманово се одржа ликовен натпревар на кој учествуваа ученици од СОУ Перо Наков. Ученичката Симона Трајановиќ го освои третото а ученикот Матеј Божиновски го освои второто место . Завршната манифестација и доделувањето на наградите по повод "Месецот на книгата" се одржа во Гимназијата „Гоце Делчев" Куманово.

Од 8-10.11.2019 година во Музеј на град Скопје се оддржа традиционалната Меѓународна изложба на иновации, пронајдоци, патенти, индустриски дизајн, истражувачки проекти и младинско креативно творештво 40 по ред МАКИНОВА и придружена по 17 пат со ЕКОНОВА на који што вкупно учествуваа 112 учесници од кои 38 учесници од соседните држави БИХ, Црна Гора и Србија и 78 учесници од Македонија.. Учениците од СОУ Перо Наков учетвуваа на овј натпревар со изработени костими скулптури и слики.Ментори: Маја Вељковиќ Димковска и Николина Николовска

По повод божиќните и новогодишни прослави во Католичката Гимназија во Бања Лука се одржува Божиќ Фест 2019 на кој со сликарски платна на тема божиќ учествуваа повеќе ученици од профилот Техничар за дизајн на облека.Трето место на ликовниот конкурс во категорија слики пристигнати од други држави , го освои Матеј Божиновски II-1   а прво место освои Дејвид Драгевски IV-1. Ментор - Маја Вељковиќ Димковска

5. Извештај од активот од економско-правна и трговска струка

Учество на online конференција „Think global, entrepreneur local“ организирано од страна на партнерско училиште од Турција. Ивана Близнаковска Доцевска и Александра Георгиевска

Учество на „Еразмус+ Крос 2019“ заедно со 9 ученика и наставниците Ивана Близнаковска Доцевска и Александра Георгиевска

На 05. 12. 2019 година на државен натпревар Лидер на струка, кој се одржа во Средното училиште Васил Антевски – Дрен,   учествуваа ученичките Мартина Русевскакоја која го освои второ место за образовен профил Деловен секретар и Мила Трајковска од IV 7 клас која го освои четврто место Ученичките беа под менторство на натавникот Марина Златковска. На овој државен натпревар учествуваа ученици и од образовни профили: економки техничар и банкарски техничар, под менторство на проф Гордана Ж. Стојановска и Фросина Николовска.

Во рамките на програмата „ Отворен Ден “ на Собранието на РМ,   на 22. 09. 2019 година Нашиот Законодавен Дом го посетија група од околу 40   ученика заедно со предметните наставници Марина Златковска и Маргица Величковиќ.

По покана на Парламентарниот институт, Нашето учичиште зеде учество на онлајн виртуелната тура низ просториите на Собранието на РСМ. Имено, на 02 јуни 2020 година - со почеток во 11.00 часот, група од околу 50 ученици заедно со проф. Марина Златковска и Борис Антевски учествуваа на онлајн виртуелната тура низ Собранието

6. Извештај од спортски активности и резултати

Учениците заедно од сите години, под менторство на наставниците по Спорт и Спортски активности беа многу активни и учествуваа на многу спортски натпревари на кои се закитиа и со пригодни награди, и тоа:

- Учество на општински натпревар во футсал-женска екипа и го освои II-то место. 24.10.2019г

- На ден 30.10.2019г. се одржа општински натпревар во ракомет машка екипа и го освои II-то место.

- На ден 31.10.2019г. се одржи општински натпревар во футсал машка екипа и го освои III-то место.

- На ден 01.11.2019г. се одржа општински натпревар во ракомет женска екипа и го освои II- то место

- На ден 06.11.2019г. се одржа натпревар кошарка во машка и женска екипа и го освои II-то место во општината.

- На ден 7.11.2019г. се одржа турнир во футсал по повод 11 Ноември-Пехар за градоначалник и го освои III-то место.

- На ден 08.11.2019г. се одржа натпревар во одбојка со машка и женска конкуренција каде го освоија III-место женска екипа и II- место машка екипа

- На ден 14.11.2019 се одржа турнир во мал фудбал по повод Патрониот празник на училиштето. Четири екипи од сите генерации на ученици. I-во место екипа од втора година, II место екипа од четврта година, III-то место екипа од трета година.

- На ден 10.12.2019г. во просториите на МКЦ-Скопје се одржа завршен настан на активности од спортска секција, каде учествуваа учениците од прва до четврта година. Пред презентацијата беа запознаени сите присутни за реализираните активности во изминатиот период.

7. Извештај од други спроведени активности

Учество на преставници од ОСУ “Перо Наков”-Куманово во проектот “За подобро ментално здравје на младите”

На ден 21.09.2019 година нашето училиште активно се вклучи во еко-акција по повод Светскиот ден на чистење на отпадот. Во акцијата учествуваа ученици од еко тимот од сите четири години.Акцијата беше насочена кон расчистување на отпадот во училишниот двор, околу училиштето и околните згради во близина на училиштето. Истата беше организирана од организацијата „Не биди ѓубре“, GO green и Општина Куманово.

На ден 12.11.2019 год. по повод Патрониот празник на нашето училиште се спроведе еко-акција.Акцијата се спроведе преку расчистување на училишниот двор и разубавување на истиот со садење на есенско цвеќе. По повод патрониот паразник беа реализирани училишни натпревари по повеќе предмети: Македонски јазик, Математика, Спорет и спортски активности.

Заклучоци од статистичките извештаи за перидот 2018-2020 год.

- Во учебнните 2018/19 и 2019/20 година редовно се следи напредокот и постигнувањата на учениците кои имаат потешкотии во учењето     и постигањата на учениците со посебни   образовни потреби. Постои добра соработка меѓу оваа група ученици, предметните наставници и психолошко -педагошката служба и дефектологот во училиштето.

- Постигнувањата на учениците од нашето училиште во воннаставните активности се на високо ниво што покажува и извештај од спроведени активности. Имено учениците од сите образовни профили редовно учествуваат на многу натпревари и тоа на училишно, локално, регионално и државно ниво и постигнуваат солидни резултати заедно со нивните наставници – ментори.

Собирање на податоци (ii) кои други методи се користени за собирање на податоци? (пр. прашалници, анкети, набљудувања...)

Наведете ги другите методи кои се користени за собирање на податоци-

Анкета со

ученици кои

наставата ја

следат на

македонски наставен јазик

Тим за спроведување на анкетен

прашалник и

обработка на

добиените резултати

прашалник и

обработка на

добиените резултати

прашалник и

обработка на

добиените резултати

Вкупен број на анкетирани ученици 43

     Одговори од прашалник за родители:

82 % од родителите сметаат дека наставниците ги информираат учениците за нивните постигнувања. 69 % од родителите сметаат дека родителските средби се навремени, добро организирани и осмислени. 67 % од родителите сметаат училиштето систематски ја следи редовноста на учениците, ги анализира причините за отсуство од наставата и презема активности за зголемување на редовноста. 67 % од родителите сметаат дека училиштето ја почитува постапката за премин од едно училиште во друго, ги бара и ги доставува значајните информации за извршувањето на трансферот. 50 % од родителите сметаат дека училиштето има инструменти со кои ги следи постигнувањата на секој ученик по наставни предмети и квалификациони периоди, како и на ниво на училиште. 58 % од родителите се согласуваат дека најголем број на наставници од училиштето обезбедуваат поддршка во редовната настава за учениците кои имаат тешкотии во учењето.

Од овие одговори може да се заклучи дека родителите се добро информирани за успехот и редовноста на учениците, дека родителските средби се добро организирани, дека се следи редовноста на учениците и причините за тоа, дека се користат инструменти за следење на постигнувањата, како и тоа дека се почитува постапката за премин од едно во друго училиште.

67 % од родителите делумно се согласува дека при оценувањето се води сметка за индивидуалното напредување на учениците. 59 % од родителите делумно се согласуваат дека училиштето планира и презема конкретни активности за постојано подобрување на постигнувањата на учениците. 59 % од родителите делумно се согласува дека училиштето има стратегија за идентификување на надарени ученици и организира додатна настава за овие ученици. 58 % од родителите се согласуваат дека најголем број на наставници од училиштето обезбедуваат поддршка во редовната настава за учениците кои имаат тешкотии во учењето.Овие забелешки на родителите се поврзани со начинот на оценување на учениците, и колку наставниците им се поддршка на ученциите во случаи на подобрување на постигнувањата на учениците, водење сметка за индивидуалното напредување на учениците или постење на стартегија за работа со надарени ученици.

     Одговори на прашалник за ученици:

92 % од учениците се согласуваат дека родителските средби се навремени, добро организирани и осмислени. 87 % од учениците се согласуваат дека училиштето систематски ја следи редовноста на учениците, ги анализира причините за отсуство од наставата и презема активности за зголемување на редовноста. 68 % од учениците сметаат дека училиштето ја практикува примената на ИКТ во наставниот процес. 32 % сметаат дека треба повеќе ИКТ во наставата затоа што тие часови се поинтересни. 55 % од учениците смета дека училиштето во текот на целата учебна година, по сите предмети, реализира дополнителна настава за учениците кои имаат тешкотии во учењето. 45 % од учениците сметаат дека не одат редовно на овие дополнителни чаасови.   45 % од учениците се согласуваат дека училиштето промовира уверување дека постигнувањата на сите ученици можат да се подобрат.45 % од учениците се согласуваат дека училиштето планира и презема конкретни активности за постојано подобрување на постигнувањата на 31 учениците. 45 % од учениците сметаат дека училиштето ги поттикнува родителите на соработка со наставниците заради следење на напредувањето на своето дете. 41 % од учениците се согласуваат дека при оценувањето се води сметка за индивидуалното напредување на учениците.

Од гореневедените одговори може да се заклучи дека учениците се задоволни од организацијата на родителските средби, и од активностите кои училиштето плански ги реалзира за намалување на изостанувањето на учениците и подобрување на постигнувањата на учениците. Висок процент од учениците сметаат дека во училиштето се користи ИКТ и се реализира допонителна настава.

Одговори со помали проценти на согласување:

69 % од учениците делумно се согласуваат дека училиштето има инструменти со кои ги следи постигнувањата на секој ученик по наставни предмети и квалификациони периоди, како и на ниво на училиште. 64 % од учениците делумно се согласуваат дека наставниците ги информираат учениците за нивните постигнувања. 75 % од учениците делумно се согласуваат дека училиштето планира и презема конкретни активности за постојано подобрување на постигнувањата на учениците. 45 % од учениците делумно се согласуваат дека училиштето има стратегија за идентификување на надарени ученици и организира додатна настава за овие ученици. 60 % од учениците делумно се согласуваат дека најголем број на наставници од училиштето обезбедуваат поддршка во редовната настава за учениците кои имаат тешкотии во учењето. 52 % од учениците делумно се согласуваат дека забелешките и предлозите од учениците за подобрување на наставата се уважуваат и разгледуваат.

Овие одговори на учениците укажуваат дека тие делумно се согласуваат дека училиштето има инструменти со кои ги следи постигнувањата на секој ученик, по класификациони периоди., како и дека само делумно се информирани за своите постигнувања од старна ан наставниците. Тие истакнуваат дека само делумно постои стратегија за работа со надарени ученици и дека добиваат поддршка од наставниците кога имаат потешкотии при учењето. Само 32 половина од ученците делумно се согласуваат дека нивните предлози за подобрување на наставата се уважуваат.

Одговори од прашалник за наставници:

93 % од наставниците се согласуваат дека тие ги информираат учениците за нивните постигнувања. 90 % од наставниците се согласуваат дека наставниците преку интерактивни методи (прашања, дискусии, работа во групи) поттикнуваат соработка помеѓу учениците. 87 % од наставниците се согласуваат дека училиштето систематски ја следи редовноста на учениците, ги анализира причините за отсуство од наставата и презема активности за зголемување на редовноста. 87 % од наставниците се согласуваат дека училиштето во текот на целата учебна година, по сите предмети, реализира дополнителна настава за учениците кои имаат тешкотии во учењето, меѓутоа шченицитетеба редовно да ги посетуваат овие часови. 97 % од наставниците се согласуваат дека родителските средби се навремени, добро организирани и осмислени ипостои добра соработка со психолошко – педагошката служба.

57 % од наставниците се согласуваат дека дел од наставните содржини ги реализираат со примена на информатичка технологија. 83 % од наставниците се согласуваат дека училиштето промовира уверување дека постигнувањата на сите ученици можат да се подобрат.

80 % од наставниците се согласуваат дека при оценувањето се води сметка за индивидуалното напредување на учениците. 77 % од наставниците се согласуваат дека училиштето планира и презема конкретни активности за постојано подобрување на постигнувањата на учениците.

73 % од учениците се согласуваат дека најголем број на наставници од училиштето обезбедуваат поддршка во редовната настава за учениците кои имаат тешкотии во учењето. 57 % од наставниците се согласуваат дека училиштето има систем за идентификација на ученици кои имаат тешкотии во учењето или се ученици со посебни образовни потреби.

63 % од наставниците се согласуваат дека училиштето има стратегија за идентификување на надарени ученици и организира додатна настава за овие ученици. 63 % од наставниците се согласуваат дека наставниците користат разновидни наставни форми и методи со што ги мотивираат учениците да учат и да го постигнат својот максимум.50 % од наставниците се изјасниле дека понекогаш имаат потреба од стручна обука во врска со стандарди за оценување и нивно подобрување и усогласување меѓу образовните профили.

Од добиените одговори на наставниците може да се заклучи дека тие редовно ги информираат родителите и учениците за своите постигнувања, добро ги организираат и водат родителските средби, водат сметка за индивидуалното напредување на секој ученик и пружаат поддршка за учениците кои имаат потешкотии во учењето. Тие во голем процент сметаат дека реализираат допонителна и додатна настава и користат современи методи и техники за мотивирање на учениците за учење Наставниците се согласуваат дека дел од наставните содржини ги реализираат со примена на информатичка технологија Дел од наставниците се изјасниле дека понекогаш имаат потреба од стручна обука во врска со стандарди за оценување и нивно подобрување и усогласување меѓу образовните профили.

Собирање на податоци (ii) кои други методи се користени за собирање на податоци? (пр. прашалници, анкети, набљудувања...)

Дали и како училиштето врши споредување на тежински нивоа на резултатите од интерното оценување, по различни паралелки, по наставни предмети и по пол, од една учебна година до друга?

Училиштето врши споредување на тежинските нивоа на резултатите при интерното оценување за секој класификационен период. Анализите се вршат во рамки на стручните активи, континуирано во текот на целата учебна година. Секој актив во континуитет прави споредба по тежински нивоа согласно со Критериумите за оценување изготвени од БРО.

Колкав процент од учениците го завршуваат образовниот циклус? Ако не го завршуваат зошто?

Од анализите на статистичките извештаи од изминатите две години (100%) го завршиле образовниот циклус. Меѓутоа се зголемува бројот на ученици кои сакаат да учат вонредно. Учениците од четврта година поради тоа што се вработуваат го продолжуваат образованието вонредно.Овој процент на ученици се зголемува.

2.2 Осипување на учениците

Дали има идентификувани групи ученици (машки, женски, од определена етничка припадност, од економски сиромашни семејства, или други групи) кои повеќе се подложни на „осипување“ од училиштето?

Постои процент на осипување на ученицикои поради вработување го пролжуваат образованието вонредно или мал процент на ученици одат во друго училиште.

Дали наставниците користат доволнокритериуми за надгледување, следење и оценување на учениците!и дали тие се усогласени критериуми ?

Наставниците редовно и континуирано ја следат индивидуалната работа на учениците, но треба да се поработи околу усовршување на критериумите за оценување и нивно унифицирање. Треба да постои поголема соработка меѓу наставниците околу примена на наставните методи , техники и примена на ИКТ алатки.  

Како училиштето се обидува да се справи со проблемот?

Училитето по насока на МОН организира обуки во училиштето за наставниците, околу примена на критериуми за оценување! На 16 и 17.01.2020 год. (за време на зимскиот распуст) за сите наставници од СОУ „Перо Наков“ беше спроведена обука од 10 часа на тема: Вреднување и оценување на постигањата на учениците, критериуми на оценување и Блумова таксономија

2.3 Повторуање на учениците

Колку ученици ја повторуваат годината? Дали имате направено анализа за учениците што повторуваат по пол и етничка припадност и кои се резултатите? Објаснете зошто одредени групи на ученици се повеќе подложни на повторување?

Во изминатите две учебни години 2 ученика ја повторуваа годината.

Објаснете зошто одредени групи на ученици се повеќе подложни на повторување?

Ученици кои доаѓаат од одредени социјалани средини, односно семејства со еден родител или ученици кои имаат родител - старател се подложени на повторување.

Дали во вашето училиште постојат процедури да ученикот кој повторува може да поднесе жалба?

Во училиштето постојат процедури за поднесување на жалби од старна на ученик кој ја повторува годината. Поднесените жалби во рок од три дена од утврдувањето на успехот на ученикот се доставуваат на разгледување до наставничкиот совет кој по нив одлучува врз основа на Статутот на училиштето и Законот за средно образование.

Резултати: Овде треба накратко да ги образложите вашите клучни јаки страни и слабости

ü

Клучни јаки страни

• Информираност на учениците и родителите за постигнувањата на учениците во секој класификационен период;
• Промовирање на инклузивно воспитание и образование како реформаторско начело кое ја почитува и негува различноста кај сите ученици
• Постигнувања на високи резултати на учениците на ниво на училиште, локалнои државно ниво
• статистичка обработка и анализа на податоците од постигнувањата и поведението на учениците
• Организирање на дополнителна настава за учениците со потешкотии во совладување на наставни содржини
• Воспоставен систем на помош и поддршка од страна на педгошката служба
• Редовни средби со родителите каде се решаваат тековните проблеми со ученицците во текот на учебната година што придонесува за постигање на подобри резултати
• Постоење на систем за следење на постигањата на учениците; Напредокот на учениците се следи систематски од страна на наставниците
• Незначителен процент на осипување на ученици.
  • Сите во училиштето се согласни дека успехот на учениците ќе се подобри ако во наставата се користат посовремени наставни средства и посоодветни кабинетски простории.
  • Воведење награди и пофалби за најдобрите ученици
  • Подобрување на редовноста на учениците, односно намалување на бројот на изостаноци на учениците, благодарение на правилна стратегија на училиштето околу овој проблем.
  • Подобрување на успехот на учениците ( подобар среден успех на ниво на училиште)
  • Подобрени услови за работа, односно обновени се сите прозорци ву училиштето и реновирани голем дел од училниците.
  • Обезбедени подобри услови за работа во училиштето

Слабости  

• Подобра соработка за изедначување на критериумите на постигнувањата на учениците во рамки на стручните активи;
• Користење на различни наставни методи и форми на оценување на работата на учениците и информирање за нивниот напредок, како и преземање на одговорноста за постигнатиот успех
• Изнаоѓање на стратегија и поефикасни начини за зголемување на бројот на ученици , бидејќи бројот на ученици од година на година се намалува
• Потребна е поголема соработка со локалната самоуправа и изведување практична настава во претпријатија и посебни фирми, со цел да го применат стекнатото знаење на часовите и нивна поголема мотивација за работа
• интегриран пристап во наставата
• Развивање на програми за додатна настава за работа со талентирани и надарени ученици..